Yuxarı
    Bağlamaq

    “Arşın mal alan” operettasının 100 illiyinə həsr olunan kitab çap edilib

    Nəşrdə əsasən Üzeyir Hacıbəylinin Ev Muzeyinin fondunda qorunub saxlanılan materiallardan istifadə olunub

    Bakı. 21 fevral. REPORT.AZ/ Mədəniyyət və Turizm Nazirliyinin dəstəyi ilə dahi bəstəkar Üzeyir Hacıbəylinin yaradıcılığına həsr olunan “Arşın mal alan - 100” kitabı nəşr olunub.

    Bu barədə "Report"a nazirliyin İnformasiya və ictimaiyyətlə əlaqələr şöbəsindən məlumat verilib.

    Nazirlikdən bildirilib ki, “Arşın mal alan” operettasının səhnəyə qoyulmasının 100 illiyi münasibətilə nəşr olunan kitabda ölməz əsərin yazılması ilə bağlı Ü.Hacıbəylinin xatirələri, qeydləri, əlyazmaları, müxtəlif teatrların afişaları, elanlar, dəvətnamələr, fotoşəkillər və s. materiallar toplanıb. Nəşrdə əsasən Ü.Hacıbəylinin Ev Muzeyinin fondunda qorunub saxlanılan materiallardan istifadə olunub.

    Kitab “Arşın mal alan” Azərbaycan səhnəsində”, “Arşın mal alan” ekranlarda” və “Arşın mal alan” müxtəlif dövlətlərin dillərində və səhnələrində” adlı 3 yarımbaşlıq şəklində tərtib olunub.

    “Şərq-Qərb” nəşriyyatında çap edilən “Arşın mal alan - 100” kitabı Mədəniyyət və Turizm Nazirliyinin tabeçiliyində olan aidiyyəti qurumlara və kütləvi kitabxanalara paylanılacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi