Yuxarı
    Bağlamaq

    Amaliya Pənahova 70 yaşını qeyd edir

    İyulun 3-də aktrisanın təntənəli yubiley gecəsi keçiriləcək

    Aktrisa teatr və kino sahəsində beş yüzdən artıq obraz yaradıb

    Bakı. 15 iyun. REPORT.AZ/ Azərbaycanın xalq artisti, görkəmli teatr və kino aktrisası Amaliya Pənahova yubileyini qeyd edir.

    Xalq artisti 70 yaşını dostları və ailə üzvlərinin əhatəsində keçirəcək. Bu barədə "Report"a Amaliya Pənahova bildirib.

    "Bu günü dostlarımın, ailə üzvlərimin, məni sevənlərin yanında keçirəcəm. İyulun 3-də isə Heydər Əliyev Sarayında dövlət səviyyəsində təntənəli yubiley gecəmi keçirəcəklər. Hazırda təntənəli mərasimə hazırlıq işləri gedir. Yaradıcılığımda isə yeniliklər çoxdur. Yeni filmə çəkilirəm, gələcək planlarım, arzularım çoxdur".

    Xatırladaq ki, Amaliya Pənahova 1945-ci il iyunun 15-də Gəncə şəhərində anadan olub. 1966-cı ildə M.A.Əliyev adına Azərbaycan Dövlət Teatr İnstitutunun dram və kino aktyorluğu ixtisasını bitirib.

    1964-cü ildən bu günədək teatr və kino sahəsində beş yüzdən artıq obraz yaradıb.

    1982-ci ildə ilin aktrisası elan edilib.

    İstedadlı aktrisa bacarıqlı rejissor kimi də özünü sınayıb. O, 43 illik sənət fəaliyyəti dövründə 12 televiziya və teatr tamaşasına quruluş verib.

    Amaliya Pənahova 1992-ci ildə Bakı Bələdiyyə Teatrını yaradıb və bu teatra orta və yaşlı nəsillə yanaşı, gənc istedadlı aktyorları da cəlb edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi