Bakı. 26 fevral. REPORT.AZ/ Birləşmiş Ştatların məşhur aktyor və rejissoru Zak Braff həmkarı Alek Bolduinə Ağ Evin Müxbirlər Assosiasiyasının ənənəvi şam yeməyində prezident Donald Trampı əvəzləməyi təklif edib.
“Report” xəbər verir ki, bunu o şəxsi “Twitter” əkkauntunda yazıb.
"Alek Bolduin, paltarını dəyişməyin vaxtı çatıb", - deyə o yazıb.
ABŞ prezidenti Donald Tramp jurnalistlərin ənənəvi şam yeməyində iştirak etməyəcəyini bildirib.
Alek Bolduin artıq bir dəfə ABŞ prezidentini təqlid edib və buna görə Amerika kinotənqidçilərinin mükafatına layiq görülüb.