Yuxarı
    Bağlamaq

    ABŞ Kinoaktyorlarının Gildiyası mükafatının qalibləri bəlli olub

    Gildiyanın versiyasına görə, Denzel Vaşinqton ən yaxşı aktyor, Emma Stoun isə ən yaxşı aktrisa seçilib

    Bakı. 30 yanvar. REPORT.AZ/ ABŞ Kinoaktyorlarının Gildiyası mükafatının münsiflər heyəti bütün nominasiyalar üzrə qaliblərin adlarını açıqlayıb.

    Bu barədə "Report" "Associated Press"ə istinadən xəbər verir.

    Gildiyanın versiyasına görə, ən yaxşı aktyor nominasiyasının qalibi Denzel Vaşinqton seçilib. O, "Əngəllər" filmindəki roluna görə, mükafata layiq görülüb. Münsiflər heyəti ən yaxşı aktrisa kimi "La La Lend" müziklında Miya rolunu canlandıran Emma Stounu fərqləndirib.

    Ən yaxşı ikinci plan aktyoru nominasiyasında Maherşala Əli ("Ay işığı"), ən yaxşı ikinci plan aktrisası nominasiyasında isə Viola Devis ("Əngəllər") mükafata sahib çıxıb.

    "Ən yaxşı aktyor heyəti" nominasiyasında "Gizli fiqurlar" filmi qalib olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi