Yuxarı

20 Yanvar faciəsinin ildönümü münasibətilə "Qarabağnamə" tamaşası nümayiş etdiriləcək

Tamaşa yanvarın 19-da saat 19.00-da başlayacaq

Bakı. 15 yanvar. REPORT.AZ/ Qanlı Yanvar hadisələrinin 26-cı ildönümü münasibətilə Akademik Milli Dram Teatrında İlyas Əfəndiyevin "Hökmdar və qızı" əsəri əsasında "Qarabağnamə" tamaşası nümayiş etdiriləcək. 

"Report"un məlumatına görə, tamaşa yanvarın 19-da saat 19.00-da başlayacaq. 

1999-cu ildən teatrın repertuarında yer alan tamaşanın quruluşu rejissoru xalq artisti Mərahim Fərzəlibəyov, quruluşçu rəssamı İsmayıl Məmmədovdur. Musiqi tərtibatı Həmid Kazımzadəyə aiddir.

"Qarabağnamə" əsərində rolları xalq artistləri Firəngiz Mütəllimova, Rafiq Əzimov, Ramiz Məlik, Hacı İsmayılov, Ramiz Novruz, Əjdər Həmidov, Sabir Məmmədov, Əli Nur, Elşən Cəbrayılov, əməkdar artist Kazım Abdullayev, aktyorlar Şəhla Əliqizı, Ləman İmanova, Vəfa Zeynalova, Rövşən Kərimduxt və başqaları canlandırır.   

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi