Yuxarı

"Uber" 2018-ci ildə zərərini 3,3 milyard dollara qədər azaldıb

Bakı. 16 fevral. REPORT.AZ/ "Uber" taksi sifarişi xidmətinin xalis zərəri 2018-ci ilin yekununa 4,5 milyard dollardan 3,3 milyard dollara qədər azalıb.

"Report" xəbər verir ki, bu barədə "The Wall Street Journal" şirkətin hesabatlarına istinadən məlumat yayıb.

Nəşrdə qeyd olunur ki, bu göstəricidə Rusiya və Cənub-Şərqi Asiyada aktivlərin satışından əldə edilən mənfəət nəzərə alınmayıb.

Ötən ilin dördüncü rübündə "Uber"in gəlirləri illik müqayisədə 25% artaraq 3,02 milyard dollar təşkil edib. Rüblük xalis zərər 19,2% azalaraq 865 milyon dollara çatıb.

"Ötən il bizim üçün ən uğurlu il oldu və dördüncü rübdə servisimizin xidmətindən istifadə edənlərin sayına görə başqa bir rekord qeydə alındı", - "Uber" baş maliyyə direktoru Nelson Çay bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi