Nəqliyyat, Rabitə və Yüksək Texnologiyalar Nazirliyi yanında Teleradio İstehsalat Birliyinin (Birlik) cəmi aktivləri bu il yanvarın 1-nə 17,738 mln. manat təşkil edib.
“Report” qurumun maliyyə hesabatına istinadən xəbər verir ki, bu, ötən il yanvarın 1-i ilə müqayisədə 2,5% çoxdur.
2018-ci ildə Birliyin uzunmüddətli aktivləri 3,5% azalaraq 13,557 mln. manata düşüb, cari aktivləri isə 28,3% artaraq 4,181 mln. manata çatıb.
Hesabat dövründə rabitə müəssisəsinin cəmi öhdəlikləri 93,2% azalaraq 122 min manat, o cümlədən uzunmüddətli öhdəlikləri 100% azalaraq 0 manat, cari öhdəlikləri isə 88,4% azalaraq 122 min manat, cəmi kapitalı isə 13,6% artaraq 17,616 mln. manat olub.
Ötən il Birliyin xidmətlərin göstərilməsindən gəliri 10,292 mln. manat (əvvəli ilə nisbətən 2,1% çox), xidmətlərinin maya dəyəri 7,368 mln. manat (2,9% az), inzibati xərcləri 2,175 mln. manat (25,7% az), sair gəlirləri 5 min manat (98,6% az), məzənnə fərqindən zərəri 34 min manat (təxminən 3% çox) təşkil edib. Son nəticədə qurum 2018-ci ili 720 min manat mənfəətlə başa vurub, halbuki, 2017-ci ildən 116 min manat zərətlə çıxmışdı.