Bakı. 22 aprel. REPORT.AZ/ Yaponiyanın "Sony" şirkəti "Xperia Z4" smartfonunu təqdim edib. Bu telefonun artıq sentyabr ayında Avropada satışına başlanılacaq.
“Report” xəbər verir ki, 5,2 düyümlük full-HD ekrana sahib olan yeni smartfon 20,7 meqapiksellik arxa kamera və 5,1 meqapiksellik ön kamera ilə təchiz edilib. Daxili yaddaşı 32 GB olan "Xperia Z4", həmçinin 3 GB yaddaşı (RAM) ilə diqqət çəkir. Qeyd olunur ki, 144 qr ağırlığı və 6,9 mm qalınlığında telefon gücünü "64 Bit 2,0 GHz Snapdragon 810" prosessordan əldə edir.
Telefon mis, qara, ağ və yaşıl rəng variantları ilə satışa təqdim ediləcək. "Sony"nın yeni smartfonu yaxın vaxtlarda Yaponiyada satışa çıxarılacaq.