Yuxarı

RRB və ITU-nun birgə işçi qrupunun iclası keçirilib

Sabah RRB-nin Beynəlxalq əməkdaşlığın əlaqələndirilməsi üzrə Komissiyasının iclası keçiriləcək

Bakı. 25 avqust.REPORT.AZ/ Regional Rabitə Birliyinin (RRB) Beynəlxalq Telekommunikasiya İttifaqı (ITU) ilə iş üzrə işçi qrupun 12-ci iclası keçirilib.

Rabitə və Yüksək Texnologiyalar Nazirliyindən "Report"a verilən məlumata görə, iclasın gündəliyinə RRB üzv ölkələrin rabitə adminstrasiyalarının ITU-nun Səlahiyətli Konfransına və 2016-cı ildə Standartlaşdırma üzrə Ümumdünya Assambleyasına hazırlıq məsələləri daxil olub.

Qeyd edək ki, avqustun 26-da keçiriləcək RRB-nin Beynəlxalq əməkdaşlığın əlaqələndirilməsi üzrə Komissiyasının 29-cu iclası çərçivəsində RRB ölkələrinin rabitə adminstrasiyalarının beynəlxalq əməkdaşlıqla bağlı qərarları, 2018-ci ildə keçiriləcək Beynəlxalq Rabitə İttifaqının Səlahiyətli Konfransına hazırlıq tədbirləri, RRB ilə regional təşkilatlar arasında İKT və rabitə sahəsində əməkdaşlıq proqramının layihəsi müzakirə ediləcək.

Konfransın gündəliyinə həmçinin ICANN korporasiyası ilə RRB arasında əməkdaşlıq və növbəti tədbirin keçiriləcəyi vaxt və ölkənin müəyyən edilməsi daxildir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi