Yuxarı

​Rabitə və yüksək texnologiyalar naziri Yevlaxda vətəndaşlarla görüşüb

Qəbulda vətəndaşlar əsasən işlə təmin olunmaqla bağlı müraciətlər ediblər

Bakı. 19 iyun. REPORT.AZ/ Bu gün rabitə və yüksək texnologiyalar naziri Əli Abbasov Yevlax şəhərində Bərdə, Tərtər, Ağdam və Xocalı rayonlarından olan vətəndaşları qəbul edib.

“Report” nazirliyin məlumatına istinadən bildirir ki, qəbulda vətəndaşlar əsasən işlə təmin olunmaq, bir sıra yerlərdə, xüsusən ucqar yaşayış məntəqələrində telefon rabitəsinin, habelə internet və poçt xidmətlərinin keyfiyyətinin yaxşılaşdırılması və digər məsələlərlə bağlı müraciətlər ediblər.

Məlumatda qeyd olunub ki, qaldırılan məsələlərin əksəriyyəti yerində həllini tapıb. Araşdırılmaya ehtiyac olan bəzi müraciətlər isə qeydiyyata götürülüb. Onların operativ həlli üçün nazirliyin müvafiq struktur rəhbərlərinə konkret tapşırıqlar verilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi