Yuxarı

​Rabitə və yüksək texnologiyalar naziri Şamaxıda vətəndaşları qəbul edəcək

Nazirin qəbulu mayın 5-də baş tutacaq

Bakı. 2 may. REPORT.AZ/ Rabitə və yüksək texnologiyalar naziri Ramin Quluzadə mayın 5-də, saat 12:00-da Şamaxı şəhərində Şamaxı, Qobustan, Ağsu və İsmayıllı rayonlarında yaşayan əhaliyə göstərilən telekommunikasiya, internet, poçt, radio və televiziya yayımı xidmətlərinin keyfiyyəti, xidmət mədəniyyəti və bu sahədə bölgələrdə əhalini maraqlandıran digər məsələlərlə bağlı vətəndaşları qəbul edəcək.

“Report” Nazirliyə istinadən xəbər verir ki, qəbulda iştirak etmək istəyən vətəndaşlardan mincom@mincom.gov.az elektron poçt ünvanı, 1655 nömrəli Çağrı Mərkəzi, (012) 598 38 18 nömrəli telefon vasitəsi ilə (regionlardan edilən zənglər pulsuzdur) əlaqə saxlayıb qəbula yazılmaları xahiş olunur.

Qeyd edək ki, qəbula gəlmək istəyən vətəndaşlar zərurət yaranarsa, yaşadıqları ərazinin poçt və telefon qovşaqları tərəfindən nəqliyyat vasitələri ilə təmin olunacaqlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi