Yuxarı
    Bağlamaq

    ​Rabitə və yüksək texnologiyalar naziri Xaçmazda vətəndaşları qəbul edəcək

    Qəbulda 7 şəhər və rayondan olan vətəndaşların müraciətləri dinləniləcək

    Bakı. 7 iyun. REPORT.AZ/ Rabitə və yüksək texnologiyalar naziri Ramin Quluzadə iyunun 10-da saat 12:00-da Xaçmaz şəhərində vətəndaşları qəbul edəcək.

    “Report” Nazirliyə istinadən xəbər verir ki, qəbulda Xaçmaz, Xızı, Siyəzən, Şabran, Quba, Qusar rayonlarında və Sumqayıt şəhərində yaşayan əhaliyə göstərilən telekommunikasiya, internet, poçt, radio və televiziya yayımı xidmətlərinin keyfiyyəti, xidmət mədəniyyəti və bu sahədə bölgələrdə əhalini maraqlandıran digər məsələlərlə bağlı müraciətlər dinləniləcək.

    Görüşdə iştirak etmək istəyən vətəndaşlar “mincom@mincom.gov.az” elektron poçt ünvanı, 1655 “Çağrı Mərkəzi” vasitəsilə (regionlardan edilən zənglər pulsuzdur) əlaqə saxlayıb qəbula yazıla bilərlər.

    Bundan əlavə, qəbula gəlmək istəyən vətəndaşlar, zərurət yaranarsa, yaşadıqları ərazinin poçt və telefon qovşaqları tərəfindən nəqliyyat vasitələri ilə təmin olunacaqlar. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi