Yuxarı

Azərbaycanda mobil cihazlarla bağlı elektron xidmətdən istifadənin sayı artıb

İyul ayı ilə müqayisədə artım 23% olub

Bakı. 14 sentyabr. REPORT.AZ/ Bu ilin avqust ayında Rabitə və Yüksək Texnologiyalar Nazirliyinin (RYTN) mobil cihazlarla bağlı daha bir elektron xidmətindən istifadə sayı artıb.

RYTN-in mətbuat xidmətindən "Report"a verilən məlumata görə, iyul ayı ilə müqayisədə 22,6% artımın qeydə alındığı “Mobil cihazların IMEI kodunun yoxlanılması” xidmətinə ötən ay 49 469 dəfə müraciət edilib.

Bu xidmətlə mobil cihazların müvafiq standartlara uyğun olub-olmaması barədə məlumat əldə etmək mümkündür. Bunun üçün portalda həmin elektron xidməti seçib, telefonun “IMEI” kodunu müvafiq xanaya daxil edərək yoxla düyməsini seçmək tələb olunur.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi