Yuxarı
    Bağlamaq

    "Kaspersky Lab": Azərbaycan geosiyasi risklərlə əlaqədar kiberhücumlara daha çox məruz qala bilər

    Kaspersky Lab şirkətinin təsisçisi və baş icraçı direktoru Yevgeni Kasperski Bakıya gəlməyə hazırlaşır

    Bakı. 16 iyun. REPORT.AZ/ Azərbaycan mövcud geosiyasi risklərlə əlaqədar kiberhücumlara daha çox məruz qala bilər. Bunu "Report”a açıqlamasında "Kaspersky Lab" şirkətinin vitse-prezidenti Anton Şinqaryov deyib.

    Onun sözlərinə görə, bu cür hücumlar istənilən ölkədə baş verə bilər və bəzən güclü proqramçılar özləri kibrcinayətkarlara çevrilir. Bu baxımdan Azərbaycan da istisna deyil.

    “Həmçinin, mürəkkəb geosiyasi şəraitdə, müharibə vəziyyətində olan Azərbaycanda kiberhücum riski yüksəkdir. Münaqişəni nəzərə alaraq deyə bilərəm ki, ölkənin informasiya texnologiyaları infrastrukturunun qorunması mühüm əhəmiyyət kəsb edir. Üstəlik, ölkənin güclü sənaye və maliyyə sektoruna sahibdir ki, bu da əlavə potensial risk deməkdir”, - deyə şirkət rəsmisi qeyd edib.

    A.Şinqaryov həmçinin deyib ki, "Kaspersky Lab" şirkətinin təsisçisi və baş icraçı direktoru Yevgeni Kasperski Bakıya gəlməyə hazırlaşır. Bu günlərdə baş butacaq səfər çərçivəsində o, Azərbaycan paytaxtında "Formula-1" yarışlarını izləyəcək. "Yarışların iştirakçısı olan "Ferrari" komandasının sponsoru "Kaspersky Lab"dır. Yevgeni "Formula-1", sürət həvəskarıdır. O, Münhendə (Almaniya) keçirilən Təhlükəsizlik Konfransı çərçivəsində Prezident İlham Əliyevlə görüşüb və bu görüşdə Bakı Qran-Prisinə dəvət alıb. Yevgeni Bakıda çox olsa da, bu yarışı Azərbaycan paytaxtında izləyə bilməyib”.

    Şirkət nümayəndəsi onu da bildirib ki, Y.Kasperskinin səfər zamanı Azərbaycanın dövlət başçısı ilə görüşəcəyi istisna olunmur: “Bu görüş təsdiqlənməsə də, onun üçün istək var. Həmçinin, səfər zamanı bir sıra dövlət və özəl qurumların rəhbərləri ilə görüşlər nəzərdə tutulub. Güclü sənayesi olan Azərbaycan böyük əhəmiyyət kəsb edən bazardır”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi