Yuxarı
    Bağlamaq

    ​ICANN Azərbaycanda milli domenlərin iki dəfə artacağını proqnozlaşdırır

    ICANN: Domen qeydiyyatında sərbəstlik kibercinayətlərin artmasına və kütləviliyinə səbəb ola bilər

    Bakı. 12 sentyabr.REPORT.AZ/ İnternetdə domen adları və zonalarının ayrılmasını həyata keçirən beynəlxalq korporasiya (Internet Corporation for Assigned Names and Number - ICANN) Azərbaycanda milli domenlərin iki dəfə artımını proqnozlaşdırıb.

    Rabitə və Yüksək Texnologiyalar Nazirliyindən "Report"a verilən məlumata görə, hazırda 9 mln. əhaliyə malik olan ölkədə 22 mindən artıq domenin qeydiyyatdan keçməsi az olsa da, ümumi artım templəri nəzərə alındıqda vəziyyət müsbətə doğru dəyişəcək.

    ICANN-ın Şərqi Avropa, Rusiya və MDB ölkələri üzrə vitse-prezidenti Mixail Yakuşevin sözlərinə görə, hazırda bütün dünya üzrə internetin inkişafı sonda internetin kommunal xidmət səviyyəsində göstərilən bir xidmətə çevrilməsinə gətirib çıxaracaq. Azərbaycanda internetin inkişafı sahəsində gözlənilən inkişaf, o cümlədən Bakıda və regionlarda bütün ictimai yerlərin Wi-Fi şəbəkəsi ilə əhatə olunması, xidmətlərin çeşidinin artırılması nəticədə yeni domenlər qeydiyyatına gətirib çıxaracaq.

    M.Yakuşev bildirib ki, hazırda ölkədə qeydiyyatdan keçən domen adlarının sayı iqtisadiyyatın və internetin ümumi inkişafına uyğun olaraq artır: "Xarici ölkələrin təcrübəsi göstərir ki, domen qeydiyyatında həddən-ziyadə sərbəstliyin olması kibercinayətkarların imkanlarının genişlənməsi və kütləvi təşkil olunmasına səbəb ola bilər".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi