Yuxarı
    Bağlamaq

    İlin sonunadək Bakı və Abşeronda FM radioyayım gücləndiriləcək

    Bununla bağlı hazırda Teleqüllə Kompleksində quraşdırma işləri aparılır

    Bakı. 7 sentyabr. REPORT.AZ/ Bakı Teleqüllə Kompleksinin 200 metr səviyyəsindən son nöqtəsi - 310 metr səviyyəsinədək olan metal hissəsi təmir edilərək, sintetik lüks parlaqlıq boyası ilə rənglənib. Bu haqda "Report"a “Teleradio” İB-dən məlumat verilib.  

    Qeyd edək ki, teleqüllənin metal hissəsinin 230 m səviyyəsindən 254 m səviyyəsinədək olan hissəsində yerləşmiş I və II TV diapazonlu, 75 Om-luq köhnə antena sistemləri çıxarılıb. Əvəzində İtaliyanın “Aldena” şirkətinin istehsalı olan gücü 35 kVt-lıq yeni 8 mərtəbəli FM antena sistemi layihələndirilib. Hazırda yeni antenanın quraşdırılması işləri aparılır. Nəticədə bu ilin sonunadək, 87.50-108.00 MHs tezliyində yayımlanacaq yeni FM radio proqramlarının Bakı şəhəri və Abşeron yarımadasında, həmçinin ondan 100 km radiusda olan ərazidə keyfiyyətli qəbulu təmin ediləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi