Yuxarı
    Bağlamaq

    ​"Elektron hökumət" portalına daxil olanların sayı açıqlanıb

    Rabitə və Yüksək Texnologiyalar Nazirliyi Elektron hökumət portalına daxilolmaların növbəti statistikasını təqdim edib

    Bakı. 9 sentyabr. REPORT.AZ / Rabitə və Yüksək Texnologiyalar Nazirliyinin (RYTN) Məlumat Hesablama Mərkəzi (MHM) "Elektron hökumət" portalına daxilolmaların növbəti statistikasını təqdim edib. Statistik uçotun aparıldığı tarixdən 2012-ci ilin dekabrından 2014-cü ilin avqust ayının 31-nə qədər portala daxil olanlar haqda toplanan məlumatlar göstərir ki, portala ümumilikdə 2 157 077 daxilolma qeydə alınıb.

    Nazilikdən "Report"a verilən məlumata görə, portala müraciət edənlərin ümumi sayı isə 852 585 nəfər olub. Belə ki, 852 585 nəfər ümumən 2 157 077 dəfə portala baxıb və 3 735 355 elektron xidmətə müraciət ediblər. Həmin şəxslər 7 231 983 dəfə müxtəlif səhifələrə keçid ediblər və portala sərf etdikləri ortalama vaxt 5dəq 12san olub.

    Ümumilikdə bu gün vətəndaşların portala marağın artması ilə yanaşı, təkrarən portala müraciət edənlərin də kütlə nisbəti artmaqdadır. Bu dövr ərzində portala müraciət edənlərin 39,6%-ni yeni istifadəçilər, 60,4%-ni isə təkrar müraciət edənlər təşkil edib. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi