Dövlət Neft Fondu təkliflər sorğusu elan edib

Bakı. 30 avqust. REPORT.AZ/ Azərbaycan Dövlət Neft Fondu (ARDNF) Hasilat Sənayesində Şəffaflıq üzrə Komissiyanın rəsmi internet səhifəsinin yaradılması üçün təkliflər sorğusu keçirir.

“Report” xəbər verir ki, bu barədə rəsmi qəzetdə bildirilib.

Qeyd edilir ki, müsabiqə iştirakçıları əsas şərtlər toplusunu əldə etmək üçün ARDNF-ə müraciət etməlidirlər. Təkliflər oktyabrın 2-si saat 18.00-dək Fonda təqdim edilməlidir. Təklif zərfləri oktyabrın 3-ü saat 11:00-da ARDNF-də (Bakı şəhəri, H.Əliyev prospekti,165) açılacaq.