Yuxarı
    Bağlamaq

    Bakıda "Açıq innovasiyalar üzrə Startap Turu-2017" keçirilir

    Tədbirin əsas təşkilatçısı Rusiyanın Skolkovo Fondudur

    Bakı. 17 aprel. REPORT/ Bu gün Bakıda "Açıq innovasiyalar üzrə Startap Turu-2017" tədbiri keçirilir.

    "Report" xəbər verir ki, tədbir çərçivəsində Nəqliyyat, Rabitə və Yüksək Texnologiyalar Nazirliyi və Rusiyanın "Skolkovo" Fondu ilk dəfə Azərbaycanın ən yaxşı startaplarını müəyyən edəcəklər.

    Layihənin təsisçisi Valeriya Şaxova bildirib ki, bu cür tədbirlər işin gələcək inkişafı və təkmilləşdirilməsi üçün ilham verir: "Hazırda klinik tədqiqatlar aparırıq və "Skolkovo" Fondunun rezidenti statusunun alınmasına səylə çalışırıq".

    Azərbaycan Nəqliyyat, Rabitə və Yüksək Texnologiyalar Nazirliyinin tabeliyində "Yüksək Texnologiyalar Parkı" MMC-nin direktoru vəzifəsini icra edən Kənan Bayramov isə "Skolkovo" Fondu ilə keçirilən "Açıq İnnovasiyalar üzrə Startap Turu"nun Rusiyadan olan həmkarları ilə ilk tədbir olduğunu deyib: "Bu, tədbirin miqyasını, keyfiyyətini və qarşıya qoyulan böyük məqsədi göstərir".

    Qeyd edək ki, bu tədbir çərçivəsində qlobal tendensiyalar və beynəlxalq təcrübə haqqında maarifləndirmə sessiyaları, sahibkarların şəxsi və peşəkar inkişafı üçün treninqlər və yerli startaplar üçün müsabiqə keçiriləcək.

    Müsabiqədə iştirak edəcək layihələr üçün biotibb, informasiya texnologiyaları və sənaye istiqamətləri əsas hesab edilir. 

    Müsabiqədə I yeri tutacaq qalib mükafatla yanaşı "Skolkovo" texnoparkında təşkil olunacaq texnoloji sahibkarlar üçün "Startap village" startap konfransında iştirak hüququ əldə edəcək. II və III yerlərin sahiblərinə digər mükafatlar təqdim olunacaq. Həmçinin, iştirakçılar öz güclərini "GenerationS" akselerasiya proqramlarında sınaya biləcəklər.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi