Bakı 22° C
https://static.report.az/photo/55c338f6-8685-4b9b-93da-380a9458993b.jpg
Bakı. 29 iyun. REPORT.AZ/ Azərbaycanın İlk Mobil Operatoru “Bakcell” şirkəti jurnalistlər arasında Azərbaycan Silahlı Qüvvələri gününə həsr edilmiş atıcılıq üzrə yarış keçirib.
Bu barədə "Report"a şirkətdən bildirilib.
Məlumata görə, Bakı Atıcılıq Mərkəzində təşkil olunmuş yarışda müxtəlif media qurumlarını təmsil edən 40-dan artıq jurnalist iştirak edib. Yarışdan öncə atıcılıq üzrə milli yığma komandanın baş məşqçisi Rəhim Cavadi jurnalistlərlə tanış olub və onlar üçün təlim keçirib. Təlimdən sonra jurnalistlər öz istəklərinə uyğun olaraq iki qrupa ayrılaraq Stend atıcılığı və Güllə atıcılığı üzrə yarışlara qatılıblar. Yarışda stend atıcılığı üzrə birinci yeri “Report” İnformasiya Agentliyinin müxbiri Valeh Dadaşov tutub.
Ümumilikdə yarışın nəticələri aşağıdakı kimidir:
| Yarış növü | Nəticə | İştirakçının adı | Təmsil etdiyi qurum |
| Stend atıcılığı | 1-ci yer | Valeh Dadaşov | "Report" İnformasiya Agentliyi |
| Stend atıcılığı | 2-ci yer | Hüseyn Vəliyev | "Trend" İnformasiya Agentliyi |
| Stend atıcılığı | 3-cü yer | Famil Fərhadoğlu | Müstəqil jurnalist |
| Güllə atıcılığı | 1-ci yer | Səbuhi Qafarov | afn.az saytı |
| Güllə atıcılığı | 2-ci yer | Ceyhun Rasimoğlu | "Səs İnformasiya Agentliyi |
| Güllə atıcılığı | 3-cü yer | Tural Tağıyev | "Palitra" qəzeti |
5 300-dən artıq baza stansiyası sayəsində "Bakcell"in şəbəkəsi əhalinin 99%-ni, ölkə ərazisinin isə 93% -ni (işğal olunmuş ərazilər istisna olmaqla) əhatə edir.
