Yuxarı

"Bakcell" nömrələrinin balansını Rusiyada elektron pul kisəsi vasitəsilə artırmaq mümkündür

Bunun üçün xüsusi linkə daxil olmaq lazımdır

Bakı. 17 oktyabr. REPORT.AZ/ Azərbaycanın ilk mobil rabitə operatoru və aparıcı mobil internet provayderi "Bakcell" şirkəti yeni beynəlxalq balansartırma xidmətinin istifadəyə verildiyini elan edib. 

Şirkətdən "Report"a daxil olan məlumata görə, bu xidmət Rusiya ərazisindən "Bakcell" nömrəsinin balansını asanlıqla artırmaq imkanı verir.

Ödənişləri həyata keçirmək üçün Rusiyanın istənilən mobil operatorunun elektron pul kisəsi xidmətini istifadə edən abunəçilər sadəcə http://payfon24.ru/shop/401032 keçidinə daxil olub, açılan səhifədə göstərilən sadə təlimatları yerinə yetirməlidirlər. "Bakcell" nömrəsinin balansına yüklənən vəsait Rusiya Mərkəzi Bankının valyuta mübadiləsi məzənnəsinə uyğun olaraq rublun manata konvertasiyası yolu ilə həyata keçiriləcək.

Qeyd edək ki, "Bakcell" Azərbaycanda bu cür xidmətləri göstərən ilk şirkətdir. Bu layihənin başlıca məqsədi "Bakcell" xidmətlərini Azərbaycan vətəndaşlarının tez-tez səfər etdiyi ölkələrdə, xüsusilə azərbaycanlı icmaların (diasporun) yaşadığı ölkələrdə daha əlçatan etməkdən ibarətdir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi