Yuxarı
    Bağlamaq

    "Azərkosmos", Elmin İnkişafı Fondu və TÜBİTAK arasında anlaşma memorandumu imzalanıb

    Əməkdaşlıq çərçivəsində kosmos və astronomiya sahələrində tədqiqatlar aparılacaq

    Bakı. 23 noyabr. REPORT.AZ/ “Azərkosmos” ASC, Azərbaycan Prezidenti yanında Elmin İnkişafı Fondu (EİF) və Türkiyə Elmi və Texnoloji Araşdırmalar Şurasının (TÜBİTAK) Kosmik Texnologiyalar Araşdırma İnstitutu (TÜBİTAK UZAY) arasında kosmos və astronomiya sahələrində tədqiqatlar, Yer səthinin məsafədən müşahidə imkanlarının birgə şəkildə istifadəsi və bu sahədə yaxından əməkdaşlığa dair üçtərəfli anlaşma memorandumu imzalanıb. Bu barədə "Azərkosmos"dan "Report"a daxil olan xəbərdə deyilir. Adıçəkilən memorandum bu ilin may ayında "Azərkosmos"da hər üç qurum arasında keçirilmiş görüşdə əldə olunmuş razılığa əsasən imzalanıb.

    Memorandum çərçivəsində "Azərkosmos", Elmin İnkişafı Fondu və TÜBİTAK UZAY arasında bundan sonra kosmik texnologiyalar üzrə birgə tədqiqat və təcrübə mübadiləsinin aparılması, telekommunikasiya peyk sistemlərinin elmi məqsədlər üçün birgə istifadəsi, Yer səthinin məsafədən müşahidə sistemlərindən istifadə etməklə kənd təsərrüfatı sahəsində pilot tədqiqat layihəsinin hazırlanması, peyklərin idarə olunması istiqamətində birgə simpozium, konfrans və seminarların təşkili, peyk texnologiyalarının inkişafı üçün mikro və nano-peyklərin hazırlanması, birgə yeni nəsil müşahidə və telekommunikasiya peyk sistemlərinin yaradılması, kosmik və astronomik tədqiqatlar sahəsində yüksəkixtisaslı Azərbaycan və Türkiyə mütəxəssislərinin hazırlanması və s. bu qəbildən olan sahələrdə əməkdaşlığa dair razılıq əldə olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi