“Azərkosmos” auditor axtarır

Bakı. 27 oktyabr. REPORT.AZ/ “Azərkosmos” ASC 2018-2020-ci illər üzrə maliyyə hesabatlarının beynəlxalq audit standartlarına uyğun olaraq müstəqil auditi xidmətinin satınalınması məqsədi ilə açıq tender elan edib və bu sahədə xidmət göstərən şirkətləri tenderdə iştiraka dəvət edir.

“Report” bu barədə rəsmi qəzetə istinadən xəbər verir.

Tenderdə iştirak haqqı 170 manatdır.

Satınalınan xidmət 2018-2020-ci illəri əhatə etməlidir. Müqaviləni imzalayacaq qalib şirkət xidmətin göstərilməsinə müqavilə imzalandığı gündən başlayaraq 1 iş günü ərzində başlamalıdır.

Tender təklifi noyabrın 28-i Bakı vaxtı ilə saat 18.00-a qədər “Azərkosmos”yə (ünvan: Bakı, AZ1000, Üzeyir Hacıbəyli küçəsi 72 M5) təqdim edilməlidir. Tender proseduru noyabrın 29-u saat 11.00-da “Azərkosmos”un böyük iclas zalında başlayacaq.