Azərbaycanda yeni şəxsiyyət vəsiqələrində elektron imzalar olacaq

Bakı. 4 dekabr. REPORT.AZ/ Gələn ildən Azərbaycan vətəndaşlarına veriləcək yeni növ şəxsiyyət vəsiqələrində elektron imzalar yazılacaq. Bu elektron imzaların yazılması ödənişsiz həyata keçiriləcək.

"Report"un verdiyi xəbərə görə, bu barədə nəqliyyat, rabitə və yüksək texnologiyalar nazirinin müavini Elmir Vəlizadə məlumat verib. 

Onun sözlərinə görə, elektron xidmətlərdən yeni şəxsiyyət vəsiqələri ilə isitifadə etmək imkanı yaranacaq.

Bildirək ki, həmin şəxsiyyət vəsiqələri 5 il müddətinə verildiyi üçün imzalar da bu müddətdə qüvvədə olacaq. Qeyd edək ki, hazırda ölkədə mövcud olan elektron imzalar 3 illik verilir.