Yuxarı

Azərbaycan və Qətər İKT sahəsində əməkdaşlıq edəcək

Tərəflər arasında qarşılıqlı anlaşma haqqında memorandum imzalanıb

Bakı. 9 dekabr. REPORT.AZ/ Azərbaycan və Qətər  İnformasiya texnologiyaları (İKT) sahəsində əməkdaşlıq haqqında memorandum imzalayıblar. "Report" Qətər KİV-inə istinadən xəbər verir ki, sənəd Dohada "ITU-2014" beynəlxalq konfrans çərçivəsində imzalanıb.  

Azərbaycanın rabitə və yüksək texnologiyalar naziri Əli Abbasov və Qətərin rabitə və kommunikasiya texnologiyaları naziri Həssa Sultan əl-Cabir tərəfindən imzalanan memorandum iki ölkə arasında İKT sahəsində əməkdaşlığın genişləndirilməsi, informasiya və təcrübə mübadiləsini nəzərdə tutur. 

Sənədin imzalanmasından sonra hər iki ölkənin nazirlərinə "Qatar National Broadband Network", "Qatar Satellite Company" və "Qatar Assistive Technology Centre" kimi yerli şirkətlər haqqında məlumat verilib.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi