Azərbaycan Beynəlxalq Bankı texniki avadanlıq alır

Bakı. 9 noyabr. REPORT.AZ/ “Azərbaycan Beynəlxalq Bankı” ASC “CISCO” rabitə avadanlığı və lisenziyaların satın alınması üzrə açıq tender elan edib.

Tenderdə iştirak haqqı 100 manatdır. İddiaçılar tenderdə iştirak etmək üçün sənədləri (tender təklifi və bank təminatı istisna olmaqla) 23 noyabr 2017-ci il saat 17:00-a qədər, tender təklifi və bank təminatını isə 29 noyabr saat 17:00-a qədər Bakı şəhəri, Nəsimi rayonu, Nizami küçəsi,67 ünvanına təqdim etməlidirlər. İddiaçıların təklifləri 30 noyabr saat 11:30-da qeyd olunan ünvanda açılacaq.

Bank həmçinin kompüter avadanlıqlarının satın alınması üzrə açıq tender elan edib. Tenderdə iştirak haqqı 200 manatdır. İddiaçılar tenderdə iştirak etmək üçün sənədləri 23 noyabr saat 17:00-a qədər, tender təklifi və bank təminatını isə 29 noyabr saat 17:00-a qədər təqdim etməlidirlər. İddiaçıların təklifləri 30 noyabr saat 11:00-da açılacaq.