Yuxarı
    Bağlamaq

    Azərbaycan ​“Bakı Teleqrafı”nı satışa çıxarıb

    İnvestisiya müsabiqəsinə şirkətin səhmlərinin 97,38%-i çıxarılıb

    Bakı. 28 oktyabr. REPORT.AZ/ Azərbaycan Əmlak Məsələləri Dövlət Komitəsi (ƏMDK) rabitə xidmətləri ilə məşğul olan “Bakı Teleqrafı” ASC-nin səhmlərinin 97,38%-nin satışı üzrə investisiya müsabiqəsi elan edib. Bu barədə "Report"a Komitənin mətbuat xidmətindən məlumat verilib.

    Məlumata görə, ASC-nin 400,5 min ədəd səhminin satışı üzrə müsabiqədə yerli və xarici investorlar iştirak edə bilərlər. Müsabiqə iştirakçılarının hazırladığı investisiya proqramına beynəlxalq standartlara cavab verən rabitə xidmətlərinin göstərilməsi, müasir texnologiyaların tətbiqi, həmçinin bu məqsədlər üçün sərmayənin həcmi və müddətinə dair təkliflər daxil edilməlidir. Müsabiqənin qalibi səhmlərə görə dövlət büdcəsinə ən azı 530 min manat köçürməlidir.

    Müsabiqə üzrə təkliflər bu il dekabrın 2-dək qəbul ediləcək və dekabrın 3-də qiymətləndiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi