Yuxarı
    Bağlamaq

    ​Azərbaycanın rabitə və yüksək texnologiyalar naziri Rusiyanın rabitə və kütləvi kommunikasiyalar nazirinin müavini ilə görüşüb

    Görüşdə Azərbaycanla Rusiya arasında İKT sahəsində əməkdaşlığın perspektivləri müzakirə olunub

    Bakı. 26 avqust.REPORT.AZ/ Azərbaycanın rabitə və yüksək texnologiyalar naziri Əli Abbasov Bakıda səfərdə olan Rusiyanın rabitə və kütləvi kommunikasiyalar nazirinin müavini Rəşid İsmayılovla görüşüb.

    Rabitə və Yüksək Texnologiyalar Nazirliyindən "Report"a verilən məlumata görə, keçmiş SSRİ dövründən sonra Rusiyada yüksək vəzifəyə azərbaycanəsilli mütəxəssisin təyinatının qürurverici olduğunu vurğulayan Ə.Abbasov ölkələr arasında yüksək səviyyədə qurulan ikitərəfli əlaqələrin ilbəil möhkəmləndiyini diqqətə çatdırıb. Bu münasibətlərin səmimi dostluq, mehriban qonşuluq prinsipləri üzərində möhkəm bazaya əsaslandığını bildirən nazir əməkdaşlığın müxtəlif sahələrdə, o cümlədən İKT sahəsində genişləndirilməsi, eyni zamanda sərmayə qoyuluşu üçün böyük potensialın olduğunu qeyd edib.

    İki ölkə arasında əməkdaşlıqdan məmnunluğunu ifadə edən R.İsmayılov Azərbaycan və Rusiya dövlət başçılarının yaxın münasibətləri fonunda formalaşmış bu əlaqələrin nazir müavini kimi fəaliyyəti dövründə daha da möhkəmləndirilməsi üçün səylə çalışacağını bildirib. Bakıda keçirilən Regional Rabitə Birliyinin Beynəlxalq əməkdaşlığın koordinasiyası üzrə Komissiyasının 29-cu iclasına sədrlik edən R.İsmayılov münasibətlərin gələcək inkişaf yollarına da nəzər salaraq, qarşılıqlı investisiya yatırımları üzrə fəallığın artırılmasının vacibliyini vurğulayıb.

    Daha sonra görüşdə rabitə və İKT sahəsi üzrə qarşılıqlı maraq doğuran digər məsələlərə toxunulub, Azərbaycanla Rusiya arasında əməkdaşlığın yeni mərhələləri ətrafında fikir mübadiləsi aparılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi