Yuxarı
    Bağlamaq

    "Apple"nin yeni telefonunun konsepsiyası hazırdır

    Yeni model 6.9 mm incəliyə və 5.5 düym Quad HD Retina ekranına malik olacaq

    Bakı. 20 aprel. REPORT.AZ/ “Apple”nin yeni "iPhone" modeli üçün hazırlanan konsepsiyasında xüsusi əlavələrə yer verilib. 

    “Report” Türkiyə KİV-inə istinadən xəbər verir ki, “Apple”nin istifadəyə verəcəyi yeni telefonun iPhone 6S ya "iPhone 7" olacağı sualına ziddiyyətli cavablar gəlib. Belə ki, brend ikinci model olaraq həmişə “S” silsiləsini bazara çıxarırdı, lakin son günlərdə texnologiya aləmində “Apple”nin “S” ardıcıllığını ləğv edəcəyi və iPhone 7-ni bazara çıxaracağı haqqında fikirlər önə sürülür.

    Bununla yanaşı, hazırlanan yeni modelin konsepsiyası əvvəlkilərdən fərqli olacaq. Antonio de Rosa adlı dizaynerin hazırladığı konsepsiyada ən əhəmiyyətli detal klassik home düyməsi və iPhonenin yan hissəsində yerləşdirilən açar düyməsinin yerinə “Apple Watch”da görə biləcəyiniz açar düyməsidir. "Apple"nin yeni ağıllı saatı “Apple Watch”ın bəzi keyfiyyətlərini daşıyan yeni "iPhone"da "Touch ID" və barmaq izi sensoru artıq açar düymənin üzərinə yerləşir.

    Əsas ekranda yerləşən köhnə home düyməsinin yerinə isə 3 ədəd sensorlu düymə əlavə olunub. Mütəxəsislərin fikrincə, 6.9 mm incəliyə və 5.5 düym Quad HD Retina ekranına malik "iPhone 7" uğurlu model olacaq. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi