Yuxarı
    Bağlamaq

    "Amazon" şirkətinin sahibi bir saata 3 mlrd. dollar itirib

    Şirkətin səhmləri son 19 ildə 54 000% bahalaşıb

    Bakı. 28 oktyabr. REPORT.AZ/ ABŞ-ın "Amazon" pərakəndə internet satışı şirkətinin III rübdəki mənfəəti analitiklərin proqnozlarını doğrultmadığına görə, şirkətin səhmləri xəbərdən dərhal sonra ilk bir saatda 6% dəyərdən düşüb. 

    "Report"un RBK saytına istinadən verdiyi xəbərə əsasən, nəticədə, şirkətin qurucusu və baş icraçı direktoru olan Cef Bezosun (Jeff Bezos) şəxsi sərvəti 3,2 mlrd. dollar və ya 4,5% azalaraq 67,5 mlrd. dollara enib.

    Analitiklər səhmbaşına "Amazon"dan 0,78 sent xalis mənfəət gözlədikləri halda şirkət 0,52 sent qazandığını açıqlayıb. Bu səbəbdən NASDAQ texnologiya şirkətlərinin tədavül etdiyi fond birjasında şirkətin səhmlərinin qiyməti 5,7% azalaraq 772 dollara enib. 

    C.Bezos 1997-ci ildə "Amazon" şirkətinin səhmlərini ilk dəfə fond birjasında yerləşdirib və o zamandan indiyədək şirkətin səhmləri 54 000% bahalaşıb. 

    "Forbes" jurnalının oktyabr sayında verdiyi məlumata görə, C.Bezos ABŞ-ın ikinci ən zəngin iş adamıdır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi