Yuxarı

​ABŞ ordusu dördayaqlı robotu sınaqdan keçirib

Bu, qiymətləndirmə sınağı idi və hərbçilər belə robotlara orduda ehtiyac olub-olmadığı barədə qərar qəbul edəcəklər

Bakı. 22 sentyabr. REPORT.AZ/ ABŞ Dəniz Piyadaları Qüvvələri Amerikanın "Boston Dynamics" şirkətinin hazırladığı dördayaqlı "Spot" adlı robotu sınaqdan keçirib.

"Report"un xarici KİV-lərə istinadən verdiyi xəbərə görə, bu barədə keçirilən mətbuat konfransında ABŞ Dəniz Piyadaları Qüvvələrinin nümayəndəsi bildirib.

"Bu, qiymətləndirmə sınağı idi və hərbçilər belə robotlara orduda ehtiyac olub-olmadığı barədə qərar qəbul edəcəklər. "Kuantiko" bazasında keçirilən yoxlamalar zamanı "Spot" binaya birinci daxil olaraq oradakı şərti düşməni axtarıb, hər bir küncə nəzarat edib. Aşkar edilmiş məlumatları robot operatora ötürüb", - ABŞ Dəniz Piyadaları Qüvvələrinin nümayəndəsi bildirib.

"Robot meşə zolağında, şəhər tikililəri arasında və digər ərazilərdə sınaqdan keçirilib. ABŞ Dəniz Piyadaları Qüvvələri dördayaqlı robotu bir daha sınaqdan keçirtmək niyyətindədir. Gələcəkdə amerikalı hərbçilər onlardan kəşfiyyatda, mühafizədə və yüklərin daşınmasında istifadə edəcək", - nümayəndə bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi