Yuxarı
    Bağlamaq

    ​Teymur Məmmədov: "Bayraqdar olmaq mənim üçün fəxrdir" - MÜSAHİBƏ

    Boksçu olimpiadaya hazırlıq planından danışıb

    Bakı. 25 iyun. REPORT.AZ/ 2016-cı il Rio-de-Janeyro Yay Olimpiya Oyunlarında Azərbaycanı 81 kq çəkidə təmsil edəcək boksçu Teymur Məmmədovun "Report"a müsahibəsi

    - "Bakı 2015" I Avropa Oyunlarında qızıl medal, indi də Rio-2016-ya lisenziya qazandın. Təəssüratların necədir?

    - Çox xoşbəxtəm ki, buna nail oldum. Məqsədim Rio-de-Janeyroya yollanmaq idi və istədiyimə çatdım. İndi isə olimpiadada Azərbaycan bayrağını yüksəklərə qaldırmaq istəyirəm və inanıram ki, buna nail olacağam.

    - Rəqib rinqə çıxmadı və lisenziya sənin adına yazıldı. Bunu gözləyirdin?

    - Bunu gözləmirdim. Mən döyüşə hazırlığımı davam etdirirdim. Sonra öyrəndim ki, rəqib rinqə çıxmayacaq. Bu idmandır, zədə də olur, yarışa da çıxa bilmirsən.

    - Rio-2016-da Azərbaycanın bayrağını sən qaldıracaqsan...

    - Bayraqdar olmaq mənim üçün çox böyük fəxrdir və çox xoşbəxtəm. Çalışacağam ki, ümidləri doğruldum.

    - Maraqlı məqam var ki, olimpiadanın bayraqdarları uğur qazana bilmir. Bu sindrom səni qorxutmur?

    - Bu, idmançıdan asılıdır. Yarışlara yaxşı hazırlaşmaq lazımdır. Bütün gücümlə çalışacağam ki, Azərbaycanın bayrağını dalğalandırım.

    - Hazırlıq planları məlumdur?

    - Gələn həftənin əvvəlində Amerikaya gedəcəyik. Təxminən 20 gün orada hazırlıq keçdikdən sonra Bakıya qayıdacağıq və daha sonra Rio-de-Janeyroya yollanacağıq. Bir az tez gedəcəyik ki, oradakı ab-havaya öyrəşək, uyğunlaşaq.

    - Boksçularımızın medal şanslarını necə dəyərləndirirsən?

    - Bizim komanda çox güclüdür. Hər birinə inanıram və uğurlar arzulayıram.

    - Rəqiblər haqda nə düşünürsən?

    - Mənim üçün bütün rəqiblər güclüdür. Yəni filan idmançı zəifdir, onunla döyüşmək istəyirəm deyə bir şey yoxdur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi