Yuxarı
    Bağlamaq

    Azərbaycana "Rio-2016"da "Zika" virusundan qorunmaq üçün təlimatlar gəlib

    Azad Rəhimov: Bu virus daha çox hamilə və gələcəkdə ana olacaq qadınlara təhlükə yarada bilər

    Bakı. 8 fevral. REPORT.AZ/ 2016-cı il Rio-de-Janeyro Yay Olimpiya Oyunlarına qatılacaq Azərbaycan nümayəndə heyəti "Zika" virusu epidemiyasından qorunmaq üçün təlimatlar alıb. "Report"un məlumatına görə, bu barədə jurnalistlərə gənclər və idman naziri Azad Rəhimov açıqlama verib.

    O bildirib ki, Braziliyada yayılan epidemiya kişilərə yox, daha çox hamilə və gələcəkdə ana olacaq qadınlara təhlükə yarada bilər. Nazir idmançıları qorumaq üçün bütün vasitələrdən istifadə edəcəklərini bildirib: "Biz qısaqol köynəklər və şort geyməməyə dair təlimat da almışıq. Hər hansı virusa qarşı dərman olsa, ondan da istifadə edəcəyik. Xüsusi spreylərdən də yararlanacağıq. Hər hansı virus aşkarlansa, bu təlimatların hamısından yararlanacağıq".

    Qeyd edək ki, "Rio-2016" avqustun 5-dən 21-dək keçiriləcək.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi