Yuxarı
    Bağlamaq

    Olimpiadada Azərbaycan idmançılarının 30 faizi medal qazanıb

    Azərbaycanın 38 idmançısı olimpiadadan medalsız qayıdır

    Bakı. 22 avqust. REPORT.AZ/ Azərbaycanı 2016-cı il Rio-de-Janeyro Yay Olimpiya Oyunlarında təmsil edən 56 idmançının hamısı çıxışını tam başa vurub.

    "Report"un məlumatına görə, son yarış günündə 4 idmançıdan 3-ü fəxri kürsüyə qalxıb.

    Həm sərbəst güləşçilər Toğrul Əsgərovla Xetaq Qazyumov, həm də boksçu Lorenso Sotomayor gümüş medala sahib çıxıb.

    Atlet Evans Kiplaqat Barkovet (marafon qaçışı) isə 28-ci yerlə kifayətlənib (155 idmançı arasında).

    Beləliklə, Azərbaycanın 38 idmançısı olimpiadadan medalsız qayıdır.

    Onların 21-i - boksçular Yana Alekseyevna, Məhəmmədrəsul Məcidov, Abdulqadir Abdullayev və Albert Səlimov, yunan-Roma güləşçisi Saman Təhmasibi, qadın güləşçi Yuliya Ratkeviç, sərbəst güləşçi Cəmaləddin Məhəmmədov, velosipedçi Olqa İsmayılova, atletlər Evans Kiplaqat Barkovet, Anna Skidan və Hayle İbrahimov, cüdoçu Uşangi Kokauri, idman gimnastları Oleq Stepko və Petro Paxnyuk, bədii gimnast Marina Durunda, velosipedçi Yelena Pavluxina, akademik avarçəkənlərdən ibarət Aleksandr Aleksandrov - Boris Yotov dueti, kanoe-slalomçu Yure Meqliç, triatlonçu Rostislav Pevtsov və oxatan Olqa Senyuk legionerdir.

    Azərbaycan təmsilçilərindən 18-i medal qazanıb. Onlardan 11-i - güləşçilər Mariya Stadnik, Nataliya Sinişin, Sabah Şəriəti, Xetaq Qazyumov, Şərif Şərifov, taekvondoçu Radik İsayev, Milad Beigi Harçeqani və Patimat Abakarova, kanoeçi Valentin Demyanenko, kayakçı İnna Osipenko-Radomska, boksçu Lorenso Sotomayor legionerdir. Yerli medalçılar isə cüdoçular Rüstəm Orucovla Elmar Qasımov, güləşçilər Toğrul Əsgərov, Rəsul Çunayev, Hacı Əliyev və Cəbrayıl Həsənovla yanaşı, boksçu Kamran Şahsuvarlıdır.

    Azərbaycan idmançılarının "Rio-2016"da göstərdikləri nəticələr:

    Güləş

    Qadın güləşi

    Mariya Stadnik (48 kq) - gümüş

    Nataliya Sinişin (53 kq) - bürünc

    Yuliya Ratkeviç (58 kq) - 5-ci yer

    Yunan-Roma

    Rəsul Çunayev (66 kq) - bürünc

    Sabah Şəriəti (130 kq) - bürünc

    Rövşən Bayramov (59 kq) - 5-ci yer

    Elvin Mürsəliyev (75 kq) - 7-ci yer

    Saman Təhmasibi (85 kq) - 13-cü yer

    Sərbəst güləş

    Toğrul Əsgərov (65 kq) - gümüş

    Xetaq Qazyumov (97 kq) - gümüş

    Hacı Əliyev (57 kq) - bürünc

    Cəbrayıl Həsənov (74 kq) - bürünc

    Şərif Şərifov (86 kq) - bürünc

    Cəmaləddin Məhəmmədov (125 kq) - 12-ci yer

    Cüdo

    Elmar Qasımov (100 kq) - gümüş

    Rüstəm Orucov (73 kq) - gümüş

    Orxan Səfərov (60 kq) - 5-ci yer

    Məmmədəli Mehdiyev (90 kq) - 7-ci yer

    Nicat Şıxəlizadə (66 kq) - 1/8 finalda uduzub

    Uşangi Kokauri (+100 kq) - 1/8 finalda uduzub

    Boks

    Lorenso Sotomayor (64 kq) - gümüş

    Kamran Şahsuvarlı (75 kq) - bürünc

    Elvin Məmişzadə (52 kq) - 1/4 finalda uduzub

    Teymur Məmmədov (81 kq) - 1/4 finalda uduzub

    Abdulqadir Abdullayev (91 kq) - 1/4 finalda uduzub

    Albert Səlimov (60 kq) - 1/4 finalda uduzub

    Yana Alekseyevna (60 kq - qadınlar) - 1/4 finalda uduzub

    Məhəmmədrəsul Məcidov (+91 kq) - 1/8 finalda uduzub

    Pərviz Bağırov (69 kq) 1/8 finalda uduzub

    Rüfət Hüseynov (49 kq) - 1/16 finalda uduzub

    Cavid Çələbiyev (56 kq) - 1/16 finalda uduzub

    Taekvondo

    Radik İsayev (+80 kq) - qızıl

    Milad Beigi Harçeqani (80 kq) - bürünc

    Patimat Abakarova (49 kq) - bürünc

    Fəridə Əzizova (67 kq) - 5-ci yer

    Kanoe-sprint

    Kanoe

    Valentin Demyanenko (1 nəfərlik qayıqla 200 metr məsafəyə yürüş) - gümüş

    Kayak

    İnna Osipenko Radomskaya (1 nəfərlik qayıqla 200 metr məsafəyə yürüş) - bürünc

    İnna Osipenko-Radomskaya (1 nəfərlik qayıqla 500 metr məsafəyə yürüş) - 8-ci yer

    Akademik avarçəkmə

    Aleksandr Aleksandrov - Boris Yotov (2 nəfərlik qoşa avarlı qayıq - M2X) - 12-ci yeri tutub.

    Kanoe-slalom

    Yure Meqliç (1 nəfərlik kayak qayığı) - yarımfinalda 14-cü yer

    Velosiped idmanı

    Yelena Pavluxina (şosse velosipedi - qadınlar) - 35-ci yer

    Maksim Averin (şosse velosipedi - kişilər) - finişə çata bilməyib

    Olqa İsmayılova (keyrin) - yarımfinala yüksələ bilməyib

    Olqa İsmayılova (sprint) - 27 iştirakçı arasında 13-cü yer

    Bədii gimnastika

    Marina Durunda (fərdi çoxnövçülük) - 9-cu yer

    İdman gimnastikası

    Oleq Stepko (fərdi çoxnövçülük) - finalda 22-ci yer

    Petro Paxnyuk (fərdi çoxnövçülük) - 34-cü yer

    Üzgüçülük

    Fatimə Alkərəmova (100 metr məsafəyə sərbəst üsulla) - 48 iştirakçı arasında 41-ci yer

    Boris Kirillov (200 metr məsafəyə arxası üstə) - 26 iştirakçı arasında sonuncu yer

    Atıcılıq

    Ruslan Lunyov (pnevmatik tapançadan 10 metr məsafəyə atış) - seçmə mərhələdə 15-ci yer

    Ruslan Lunyov (25 metr məsafəyə sürətli atış) - seçmə mərhələdə 15-ci yer

    Triatlon

    Rostislav Pevtsov (üzgüçülük, velosipedsürmə və qaçış hərəkətlərinin cəmində) - 39-cu yer

    Qılıncoynatma

    Səbinə Mikina (sablya) - 1/16 finalda uduzub

    Oxatma

    Olqa Senyuk (Kamandan oxatma) - 1/32 finalda uduzub

    Atletika

    Anna Skidan (çəkicatma) - seçmə mərhələdə B qrupunda 7-ci yer

    Nazim Babayev (üçtəkanla uzununa tullanma) - 25-ci yer

    Evans Kiplaqat Barkovet (marafon qaçışı) - 28-ci yer

    Hayle İbrahimov (5000 metr məsafəyə qaçış) - seçmə mərhələdə 7-ci yer. Finala çıxa bilməyib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi