Yuxarı
    Bağlamaq

    "Marakana" stadionunda XXXI Yay Olimpiya Oyunlarının bağlanış mərasimi keçirilib

    Olimpiyadada 11 mindən çox idmançı iştirak edib

    Bakı. 22 avqust. REPORT.AZ/ Braziliyanın paytaxtı Rio-de-Janeyronun əfsanəvi "Marakana" stadionunda XXXI Yay Olimpiya Oyunlarının təntənəli bağlanış mərasimi baş tutub.

    "Report" xəbər verir ki, yarışlar avqustun 5-dən 21-i tarixinədək keçirilib.

    Olimpiadada 11 mindən çox idmançı iştirak edib.

    Azərbaycan 1 qızıl, 7 gümüş, 10 bürünc medalla 87 medalçı ölkə arasında 39-cu yeri tutub. Bu göstəricidə Gürcüstandan geri qalan ölkəmizi Belarus, Türkiyə və Ermənistan izləyir. Medal sayında isə Azərbaycan Yeni Zelandiya ilə birgə 14-15-ci yerlərə şərik olub.

    Yarışları aktivində 121 medal olan (46-37-38) ABŞ yığması birinci pillədə başa vurub. Böyük Britaniya medal əyarında 2-ci (27-23-17), medal sayında 3-cü olub. Çin isə medal əyarında 3-cü yerlə (26-18-26)kifayətlənib. Dopinq qalmaqalları ilə əlaqədar üzləşdiyi cəzalar Rusiyanın ilk "3-lük"dən kənarda qalmasına səbəb olub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi