Yuxarı
    Bağlamaq

    İslamiada zamanı əlil şəxslər üçün xüsusi avtobuslar ayrılacaq

    Onlar üçün metronun “Gənclik” stansiyasından nəqliyyat vasitələri xidmət göstərəcək

    Bakı. 5 may. REPORT.AZ/ Bakıda keçiriləcək IV İslam Həmrəyliyi Oyunlarının açılış və bağlanış mərasimlərini izləmək istəyən əlil tamaşaçılar üçün xüsusi avtobuslar ayrılacaq.

    Bunu "Report"a açıqlamasında Bakı Nəqliyyat Agentliyinin (BNA) mətbuat xidmətinin rəhbəri Mais Ağayev bildirib.

    "IV İslam Həmrəyliyi Oyunlarının açılış və bağlanış mərasimləri zamanı biletli əlil tamaşaçılar metronun “Gənclik” stansiyasından İctimai Nəqliyyat Terminalına (İNT) çatdırılacaqlar. Mərasim bitdikdən sonra isə İNT-dən həmin tamaşaçılar eyni istiqamətdə geri daşınacaqlar ", - deyə M.Ağayev əlavə edib.

    Qeyd edək ki, IV İslam Həmrəyliyi Oyunlarının açılış və bağlanış mərasimləri zamanı tamaşaçılar 3 ekspress xətt üzrə seçilmiş istiqamətlərdən - metronun “20 Yanvar”, “Gənclik” və “Qara Qarayev” stansiyalarından İctimai Nəqliyyat Terminalına (İNT) çatdırılacaq. Mərasim bitdikdən sonra isə İNT-dən tamaşaçılar 3 ekspress xətt üzrə seçilmiş istiqamətdə - “20 Yanvar”, “Gənclik” və “Qara Qarayev” metro stansiyalarına daşınacaq. Açılış və bağlanış mərasimləri zamanı tamaşaçıların ekspress xətlər vasitəsilə daşınması ödənişsiz olacaq.

    3 ekspress xəttinin təşkili məqsədilə 228 avtobus cəlb ediləcək. Zərurət yaranacağı təqdirdə, ekspress xətlərə əlavə avtobusların buraxılması üçün 90 avtobus ehtiyatda olaraq saxlanılacaq. Açılış və bağlanış mərasimləri günlərində 3 ekspress xəttin çatdırılma nöqtəsinin idarə edilməsi məqsədi ilə Bakı Nəqliyyat Agentliyi və "Bakı Metropoliteni" QSC əlaqəli şəkildə gecə saatlarına qədər fəaliyyət göstərəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi