Yuxarı
    Bağlamaq

    İslamiada: Həndbolçuların mübarizəsində ilk turun görüşləri keçirilib

    Türkiyə Mərakeşə çətinliklə, İraq İordaniyaya böyük hesabla qalib gəlib

    Bakı. 9 may. REPORT.AZ/ Bakıda keçirilən IV İslam Həmrəyliyi Oyunlarında bu gün həndbol yarışlarına start verilib.

    "Report"un məlumatına görə, İslamiadanın ikinci yarış günündə kişi həndbolçulardan ibarət 8 yığma 2 qrupda, qadınlar isə 4 komandalı qrupda ilk turun oyunlarına çıxıblar.

    Azərbaycanın hər iki millisi ilk tur matçlarından qalib ayrılıb. A qrupunda yer alan kişilərdən ibarət yığma Pakistana 7 top fərqi ilə qalib gəlib. Qrupun digər oyununda Səudiyyə Ərəbistanı Əlcəzairdən aşkar üstün olub. B qrupunda Türkiyə Mərakeşə çətinliklə, İraq İordaniyaya böyük hesabla qalib gəlib.

    Qadınların mübarizəsində isə Azərbaycan yığması Kameruna çətinliklə qalib gəlibsə, Türkiyə Özbəkistanı böyük fərqlə yenib.

    Həm kişi, həm də qadın həndbolçulardan ibarət komandalar növbəti turun oyunlarını mayın 10-da keçirəcəklər.

    Həndbol

    Qrup mərhələsi

    9 may (çərşənbə axşamı)

    Kişilər

    A qrupu

    09:00. Səudiyyə Ərəbistanı - Əlcəzair - 26:13 (13:6)

    18:00. Pakistan - Azərbaycan - 43:36 (20:15)

    B qrupu

    11:15. Mərakeş - Türkiyə - 24:27 (8:12)

    20:15. İraq – İordaniya 37:15 (20:7)

    Qadınlar

    13:30. Tükiyə - Özbəkistan - 37:21 (16:8)

    15:45. Kamerun - Azərbaycan - 26:28 (14:18)

    "Sərhədçi" İdman Olimpiya Mərkəzi

    Qeyd edək ki, IV İslam Həmrəyliyi Oyunlarının açılış mərasimi mayın 12-də keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi