Yuxarı
    Bağlamaq

    Çingiz Hüseynzadə yenidən İslam Həmrəyliyi İdman Federasiyasının vitse-prezidenti seçilib

    Milli Olimpiya Komitəsinin vitse-prezidenti üçüncü dəfə İSSF-də bu vəzifəni tutacaq

    Bakı. 20 noyabr. REPORT.AZ/ Milli Olimpiya Komitəsinin vitse-prezidenti Çingiz Hüseynzadə İslam Həmrəyliyi İdman Federasiyasında (İSSF)  yenidən eyni vəzifəyə seçilib. 

    "Report"un məlumatına görə, seçki İSSF-in Səudiyyə Ərəbistanın Ər-Riyad şəhərindəki Baş Assambleyası çərçivəsində baş tutub. Toplantının gündəliyində duran əsas məsələ təşkilatın son 4 illdəki fəaliyyəti ilə bağlı hesabat olub. Hesabatda Bakıda keçirilmiş IV İslam Həmrəyliyi Oyunlarının yüksək səviyyədə təşkili, onun İslam dəyərlərinin dünya miqyasında yayılmasındakı müstəsna rol oynaması, İslam ölkələri arasında dostluq və həmrəyliyin gücləndirilməsindəki önəmi xüsusi qeyd olunub.

    Baş Assambleya növbəti 4 il üçün fəaliyyət istiqamətlərini müəyyənləşdirdikdən sonra İSSF-in İcraiyyə Komitəsinin üzvlərinin və rəhbərliyinin seçkisi olub. Ç.Hüseynzadənin təşkilatın vitse-prezidentiliyə namizədliyi irəli sürülüb və o, üçüncü dəfə bu vəzifəyə seçilib. 

    Qeyd edək ki, Baş Assambleyada Azərbaycanı Çingiz Hüseynzadə ilə yanaşı, İSSF İK üzvü və "Bakı 2017" IV İslam Həmrəyliyi Oyunlarının departament direktoru Könül Nurullayeva, MOK-un Beynəlxalq Əlaqələr İdarəsinin rəisi Anar Bağırov və Marketinq idarəsinin rəisi Mehman Kərimov təmsil edirlər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi