Yuxarı
    Bağlamaq

    Bakıda keçiriləcək İslamiada ilə bağlı bəzi yollarda nəqliyyatın hərəkəti məhdudlaşdırılacaq - SİYAHI

    Qadağa mayın 25-nə qədər qüvvədə olacaq

    Bakı. 1 may. REPORT.AZ/ IV İslam Həmrəyliyi Oyunları üçün Bakı yollarında çəkilən xüsusi zolaqlarla bağlı qadağa mayın 5-də qüvvəyə minəcək. 

    “Report”un xəbərinə görə, qadağa mayın 25-nə qədər qüvvədə olacaq. 

    Bu zolaqlara yalnız Oyunlar üçün nəzərdə tutulan nəqliyyat vasitələri buraxılacaq.

    Məlumata görə, Bakı Şəhər Dövlət Yol Polisi İdarəsi (BDYPİ) 24 saat ərzində zolaqlara nəzarət edəcək. Digər maşınlar zolağa girsə, 40 manat cərimə olunacaqlar.

    Zolaqlar Ziya Bünyadov prospektindən Atletlər kəndinədək, Bakı Kənarkeçmə yolu (dairəvi), Bakı Atıcılıq Mərkəzində başlayır və Salyan şosesində sona çatır. Salyan şosesi zolağı Kənarkeçmə yolundan Bibiheybət yolunadək, Bibiheybətdən başlayaraq Avropa oyunları parkından keçərək birbaşa Bayraq Meydanına gedən, Neftçilər prospekti zolağı Bayraq Meydanından Bakı İdman Zalına, Qara Qarayevdə bütün yol, Atatürk prospektindəki zolaq isə Ziya Bünyadov prospektindən Vaqif prospektinə qədər, Fətəli Xan Xoyski zolağı Atatürk prospektindən Koroğlu Rəhimov küçəsində yerləşən körpüyə qədər, Hənifə Ələsgərova zolağına Vaqif prospektindən Cəlil Məmmədquluzadə küçəsinə qədər, Tbilisi prospektindəki zolağa Heydər Əliyev adına İdman Arenasının çıxışından Abdulvahab Səmədzadə küçəsinə qədər, Abdulvahab Səmədzadə küçəsindəki zolaq Tbilisi prospektindən Ziya Bünyadov prospektinə qədər, Böyükşor şosesindəki zolaq isə Koroğlu metro stansiyasından Aeroport şosesinin başlanğıcınadək hissəni əhatə edir.

    Rayonlardan gələn nəqliyyat vasitələrinin mayın 25-dək şəhərə daxil olmasına müəyyən məhdudiyyət qoyulacaq. 

    Qeyd edək ki, mayın 12-dən 22-nə kimi Bakıda IV İslam Həmrəyliyi Oyunları keçiriləcək. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi