Yuxarı
    Bağlamaq

    Azərbaycanın daha 8 idmançısı "Rio-2016"da mübarizəyə qoşulur

    İlk medalı cüdoçu Orxan Səfərov qazana bilər

    Bakı. 6 avqust. REPORT.AZ/ XXXI Yay Olimpiya Oyunlarının ikinci yarış günündə Azərbaycanın daha 8 təmsilçisi mübarizəyə qoşulacaq. 

    "Report"un məlumatına görə, Braziliyanın Rio-de-Janeyro şəhərində idmançılar şosse velosipedi, cüdo, idman gimnastikası, boks, akademik avarçəkmə və güllə atıcılığı növlərində yarışacaqlar.

    İlk medal ümidi kimi daha çox cüdoçu Orxan Səfərov göstərilir. Şosse velosipedçisi Maksim Averinlə güllə atıcısı Ruslan Lunyovun da yekun nəticəsi bu gün müəyyənləşəcək.

    Günün proqramı:

    Şosse velosipedi

    Final. 16:30 - 23:10. Maksim Averin

    Cüdo

    Seçmə mərhələ. 17:00 - 20:00. 1/16 final. Orxan Səfərov - Xuan Postiqos (Peru).

    Yarımfinal və final. 22:30 - 01:10

    İdman gimnastikası

    I təsnifat mərhələsi. 17:30 - 20:00, 21:30 - 24:00. 01:30 - 04:00. Oleq Stepko, Pavel Paxnyuk

    Boks

    1/16 final. 24:00. Rüfət Hüseynov - Matias Hamunyela (Namibiya)

    Akademik avarçəkmə

    Seçmə yürüş. 18:30. Aleksandr Aleksandrov - Boris Yotov. 2 nəfərlik qayıqla (M2X) 2000 metr məsafəyə yürüş

    Güllə atıcılığı

    Final. 20:00 - 23:30. Ruslan Lunyov. 10 metr, pnevmatik tapança ilə

    Xatırladaq ki, bu gün Azərbaycanın ilk təmsilçisi Olqa Senyuk kamandan oxatma növündə fərdi sıralama yarışına qoşulacaq. Yarış saat 20:00-dan 22:00-dək davam edəcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi