Yuxarı
    Bağlamaq

    ​Azərbaycanı Rio Olimpiadasında təmsil edən 33 idmançı çıxışını başa vurub

    Hazırda 26 atlet mübarizəni davam etdirir

    Bakı. 16 avqust. REPORT.AZ/ Azərbaycanı 2016-cı il Rio-de-Janeyro Yay Olimpiya Oyunlarında təmsil edən 56 idmançıdan 33-ü çıxışını tam başa vurub.

    "Report"un məlumatına görə, ötən yarış günündə ölkəmizin aktivinə 1 bürünc medal yazılıb.

    Yunan-Roma güləşçisi Sabah Şəriəti 130 kq. çəki dərəcəsində fəxri kürsüdə yer alıb. Daha öncə cüdoçu Rüstəm Orucovla Elmar Qasımov gümüş medal qazanıb.

    Daha bir yunan-Roma güləşçisi Saman Təhmasibi 85 kq. çəkidə 13-cü yerlə kifayətlənib. Yeganə qadın boksçu Yana Alekseyevna 60 kq. çəkidə 1/4 finala təsadüf edən ilk görüşündə uduzub. 3 təkanla uzununa tullanan Nazim Babayev isə seçmə mərhələni dəf edə bilməyərək, 25-ci yerlə kifayətlənib.

    Bununla da Azərbaycanın olimpiadadan medalsız qayıdacaq idmançılarının sayı 30-a çatıb.

    Onlardan yarısı - boksçular Yana Alekseyevna, Məhəmmədrəsul Məcidov, Abdulqadir Abdullayev və Albert Səlimov, yunan-Roma güləşçisi Saman Təhmasibi, velosipedçi Olqa İsmayılova, atlet Anna Skidan, cüdoçu Uşangi Kokauri, idman gimnastları Oleq Stepko və Petro Paxnyuk, velosipedçi Yelena Pavluxina, akademik avarçəkənlərdən ibarət Aleksandr Aleksandrov - Boris Yotov dueti, kanoe-slalomçu Yure Meqliç və oxatan Olqa Senyuk legionerdir.

    Qeyd edək ki, Azərbaycanın mübarizəni davam etdirən idmançılarından boksçu Kamran Şahsuvarlı (75 kq) ötən gün yarımfinala vəsiqə qazanaraq, ən azı bürünc medalı özünə təmin edib. Digər boksçu Elvin Məmişzadə (52 kq) də Lorentso Sotomayor (64 kq) kimi 1/4 finala yüksəlib. Kayakçı İnna Osipenko-Radomskaya qadınlar arasında 1 nəfərlik qayıqla (K-1) həm seçmə, həm də yarımfinal yürüşlərini birinci pillədə başa vuraraq, finala adlayıb. Daha 20 idmançı isə qalan günlərdə mübarizəyə qoşulacaq.

    Güləş

    Yunan-Roma

    Sabah Şəriəti (130 kq) - bürünc

    Rövşən Bayramov (59 kq) - 5-ci yer

    Elvin Mürsəliyev (75 kq) - 7-ci yer

    Saman Təhmasibi (85 kq) - 13-cü yer

    Cüdo

    Elmar Qasımov (100 kq) - gümüş

    Rüstəm Orucov (73 kq) - gümüş

    Orxan Səfərov (60 kq) - 5-ci yer

    Məmmədəli Mehdiyev (90 kq) - 7-ci yer

    Nicat Şıxəlizadə (66 kq) - 1/8 finalda uduzub

    Uşangi Kokauri (+100 kq) - 1/8 finalda uduzub

    İdman gimnastikası

    Oleq Stepko (fərdi çoxnövçülük) - finalda 22-ci yer

    Petro Paxnyuk (fərdi çoxnövçülük) - 34-cü yer

    Boks

    Teymur Məmmədov (81 kq) - 1/4 finalda uduzub

    Abdulqadir Abdullayev (91 kq) - 1/4 finalda uduzub

    Albert Səlimov (60 kq) - 1/4 finalda uduzub

    Yana Alekseyevna (60 kq - qadınlar) - 1/4 finalda uduzub

    Məhəmmədrəsul Məcidov (+91 kq) - 1/8 finalda uduzub

    Pərviz Bağırov (69 kq) 1/8 finalda uduzub

    Rüfət Hüseynov (49 kq) - 1/16 finalda uduzub

    Cavid Çələbiyev (56 kq) - 1/16 finalda uduzub

    Velosiped idmanı

    Yelena Pavluxina (şosse velosipedi - qadınlar) - 35-ci yer

    Maksim Averin (şosse velosipedi - kişilər) - finişə çata bilməyib

    Olqa İsmayılova (keyrin) - yarımfinala yüksələ bilməyib

    Olqa İsmayılova (sprint) - 27 iştirakçı arasında 13-cü yer

    Üzgüçülük

    Fatimə Alkərəmova (100 metr məsafəyə sərbəst üsulla) - 48 iştirakçı arasında 41-ci yer

    Boris Kirillov (200 metr məsafəyə arxası üstə) - 26 iştirakçı arasında sonuncu yer

    Akademik avarçəkmə

    Aleksandr Aleksandrov - Boris Yotov (2 nəfərlik qoşaavarlı qayıq - M2X) - 12-ci yeri tutub.

    Kanoe-slalom

    Yure Meqliç (1 nəfərlik kayak qayığı) - yarımfinalda 14-cü yer

    Atıcılıq

    Ruslan Lunyov (pnevmatik tapançadan 10 metr məsafəyə atış) - seçmə mərhələdə 15-ci yer

    Ruslan Lunyov (25 metr məsafəyə sürətli atış) - seçmə mərhələdə 15-ci yer

    Qılıncoynatma

    Səbinə Mikina (sablya) - 1/16 finalda uduzub

    Oxatma

    Olqa Senyuk (Kamandan oxatma) - 1/32 finalda uduzub

    Atletika

    Anna Skidan (çəkicatma) - seçmə mərhələdə "B" qrupunda 7-ci yer

    Nazim Babayev (üçtəkanla uzununa tullanma) - 25-ci yer

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi