Yuxarı
    Bağlamaq

    Azərbaycan millisinin yeni voleybolçusu: “Sevinirəm ki, bura gəlmişəm” - MÜSAHİBƏ

    Olena Həsənova: “Bu ölkə voleybolçu kimi yetişməyimdə mənə dəstək olub”© Report.az

    Bakı. 12 aprel. REPORT.AZ/ Azərbaycan milli komandasının qadın voleybolçusu Olena Həsənovanın “Report”a müsahibəsi:

    - Qarşıda sizi çətin oyunlar gözləyir. Əvvəlcə IV İslam Həmrəylyi Oyunları, sonra isə dünya çempionatının seçmə mərhələsi və Avropa çempionatı var. Nə düşünürsünüz?

    - Bütün matçlar önəmlidir. Hamısına yaxşı hazırlaşmaq lazımdır. Məşq edirik və yarışlara köklənməyə çalışırıq.

    - İslamiadanın hazırlıq prosesinə başlamısınız. Məşqlər necə gedir?

    - Hələlik Bakıda hazırlıq keçirik. Aprelin 15-dən Sloveniyada 2 həftəlik toplanış olacaq. Məşqlər çox yaxşı keçir. Bütün elementlər üzərində işləyirik.

    - Cari mövsümdə “Telekom”un heyətində uğurlu mövsüm keçirdiniz və Azərbaycan çempionu oldunuz. Başqa klubdan təklif var, yoxsa hazırkı komandanızda qalacaqsınız?

    - “Telekom”la müqaviləmin müddəti başa çatıb. İslamiadada oynayaq, sonrasına baxarıq. Adətən, transferlər böyük turnirlərdən sonra olur.

    - Hansı ölkənin çempionatında oynamaq istərdiniz?

    - Hamısı yaxşıdır. İtaliya və Türkiyə çempionatlarından xoşum gəlir. Əlbəttə, orada çıxış etmək istərdim.

    - Ukraynalı olsanız da, Azərbaycan milli komandasını seçdiniz. Bu, ailəniz tərəfindən necə qarşılandı?

    - Bəli, ailəmlə düşünüb, qərar verdik. Azərbaycan yaxşı variantdır. Sevinirəm ki, bura gəlmişəm. Bu ölkə voleybolçu kimi yetişməyimdə mənə dəstək olub. Azərbaycan yığmasını seçməyi düzgün qərar hesab edirəm.

    - Bir blokçu üçün əsas məsələ toppaylayıcı ilə anlaşmaqdır. Sizin üçün Kristina Yaqubova ilə oynamaq asandır, yoxsa Şəfaqət Həbibova ilə?

    - Prinsipcə, hər ikisi ilə oynamaq rahatdır.

    - Kumiriniz kimdir?

    - Foluke Akinradevo. O, Azərbaycanda "Rabitə" klubunda çıxış etdiyi vaxt ABŞ yığması ilə 2014-cü il dünya çempionatının qalibi olub. Akinradevo həm də son iki olimpiadanın mükafatçısıdır. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi