Azərbaycanın qadın güləşçisi "Rio-2016"da bürünc medal uğrunda yarışacaq - YENİLƏNİB

Bakı. 18 avqust. REPORT.AZ/ Azərbaycanı 2016-cı il Rio-de-Janeyro Yay Olimpiya Oyunlarında təmsil edən qadın güləşçi Natalya Sinişin təsəlliverici görüşlərə çıxacaq. 

"Report"un məlumatına görə, bu, 63 kq çəki dərəcəsində çıxış edən Sinişinin görüşdə uduzduğu yaponiyalı Saori Yoşidanın finala çıxmasından sonra dəqiqləşib. 

Azərbaycan güləşçisi bürünc medal qazanmaqdan ötrü əvvəlcə seneqallı İzabelle Sambunu, ardından venesuelalı Betzabet Ancelika Arquello Vilyeqası məğlub etməlidir.

*** 17:35

Azərbaycanı 2016-cı il Rio-de-Janeyro Yay Olimpiya Oyunlarında təmsil edən qadın güləşçi Natalya Sinişin ilk görüşünü keçirib. 

"Report"un məlumatına görə, 63 kq çəki dərəcəsində çıxış edən Sinişinin rəqibi 3 qat olimpiya və 13 qat dünya çempionu, yaponiyalı Saori Yoşida olub.

Görüş Yoşidanın qələbəsi ilə yekunlaşıb - 0:4.

Bununla belə, Sinişin bürünc medal şanslarını saxlayır. Bunun üçün Yoşida finaladək irəliləməlidir.