Yuxarı

Zakir Həsənov Nəcməddin Sadıkovu yubileyi münasibətilə təbrik edib - FOTO

Silahlı Qüvvələrin Baş Qərargah rəisinin 60 yaşı tamam olub

Bakı. 24 may. REPORT.AZ/ Müdafiə naziri, general-polkovnik Zakir Həsənov müdafiə nazirinin birinci müavini - Silahlı Qüvvələrin Baş Qərargah rəisi, general-polkovnik Nəcməddin Hüseyn oğlu Sadıkovu 60 illik yubileyi münasibətilə təbrik edib.

Bu barədə "Report"a Müdafiə Nazirliyinin mətbuat xidmətindən bildirilib.

Təbrikdə deyilir:

"Sizi 60 illik yubileyiniz münasibəti ilə səmimi-qəlbdən təbrik edir və ən xoş arzularımı bildirirəm.

Ümummilli liderimiz Heydər Əliyev tərəfindən əsası qoyulmuş Azərbaycan ordusu qısa müddətdə böyük inkişaf yolu keçmiş, möhtərəm prezidentimiz cənab İlham Əliyevin rəhbərliyi altında əcdadlarımızın tarixi hərbi adət-ənənələrini yaşadaraq ölkəmizin müdafiə qüdrətinin artınlmasında böyük nailiyyətlər əldə edib.

Əminəm ki, bundan sonra da xidməti vəzifələrinizi layiqincə yerinə yetirəcək, qarşıya qoyulmuş tapşırıqların uğurla həyata keçirilməsində, ordumuzun inkişafı və daha da qüdrətlənməsi naminə Silahlı Qüvvələrin şəxsi heyətinin döyüş və mənəvi-psixoloji hazırlığının yüksəldilməsində, ixtisas biliklərinə dərindən yiyələnməsində və hərbi intizamının möhkəmləndirilməsində səylərinizi daha da artıracaqsınız.

Sizə möhkəm cansağlığı, uzun ömür, ailə səadəti və xidmətinizdə yeni müvəffəqiyyətlər arzulayıram".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi