Uşaqların Beynəlxalq Müdafiəsi Günü münasibətilə hərbi hissələrdə tədbirlər keçirilib

Bakı. 1 iyun. REPORT.AZ/ Müdafiə nazirinin tapşırığına əsasən, hərbi hissə və xüsusi təyinatlı hərbi təhsil müəssisələrində 1 iyun - Uşaqların Beynəlxalq Müdafiəsi Günü münasibətilə tədbirlər keçirilib.

Müdafiə Nazirliyindən "Report"a verilən məlumata görə, bayram münasibətilə uşaqların hərbi hissələrə səfərləri təşkil olunub, əsgərlərlə görüşlər keçirilib, onlara silah və texnika nümunələri nümayiş etdirilib, eləcə də Həzi Aslanov adına Mərkəzi və Gəncə Qarnizonu Zabitlər evlərinin təşkilatçılığı ilə əyləncəli konsert proqramı təqdim olunub.