Yuxarı
    Bağlamaq

    ​Rumıniyada Beynəlxalq Aerokosmik, müdafiə sərgisi və konfransı işə başlayıb

    Romaero Baneasa sərgi salonunda keçirilən tədbir iki gün davam edəcək

    Bakı. 18 may. REPORT.AZ/ Bu gün Rumıniyanın paytaxtı Buxarestdə 6-cı "Black Sea Defense & Aerospace" Beynəlxalq Aerokosmik, müdafiə sərgisi və konfransı işə başlayıb.

    "Report"un məlumatına görə, sərgidə dünyanın 24 ölkəsindən 200-dən çox şirkəti aerokosmik, hava və dəniz nəqliyyatı, müdafiə sənayesi sahəsində nailiyyətlərini nümayiş etirir.

    "Romaero Baneasa" sərgi salonunda keçirilən tədbir iki gün davam edəcək. Ora gedənlər müxtəlif növ aviasiya və hərbi texnikalar, artilleriya silahları, müxtəlif təyinatlı hərbi maşınlar, zirehli geyimlər, müxtəlif növ döyüş sursatları və s. təyinatlı məmulatlarla tanış ola biləcəklər.

    Sərgi çərçivəsində müdafiə və aerokosmik sənayesi sahəsində konfrans və görüşlərin də keçirilməsi planlaşdırılır.

    Qeyd edək ki, tədbir Rumıniyanın Müdafiə və İqtisadiyyat nazirlikləri, ABŞ-ın Ticarət Departamenti və Rumıniyadakı səfirliyinin dəstəyi ilə keçirilir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi