Bakı. 26 iyun. REPORT.AZ/ "Azərbaycan heç vaxt işğalla barışmayacaq".
"Report" xəbər verir ki, bunu Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyev Bakının Azadlıq meydanında keçirilən təntənəli hərbi parad mərasimində deyib.
O bildirib ki, Azərbaycan öz ərazi bütövlüyünü bərpa etməlidir və bərpa edəcək: "Bunun üçün güclü ordu yaratmalı idik və bu gün tam əminliklə deyə bilərəm ki, buna nail ola bilmişik. Bu gün dünyada Azərbaycan ordusu güclü ordular sırasındadır. Ordu quruculuğu əsas vəzifəmizdir".