Yuxarı

"Paramount Group" aviasiya və gəmiqayırma sahəsində Azərbaycanla əməkdaşlıqda maraqlıdır

"Paramount Group" aviasiya və gəmiqayırma sahəsində Azərbaycanla əməkdaşlıqda maraqlıdır
Cənubi Afrika şirkəti Azərbaycandakı fəaliyyətini genişləndirmək niyyətindədir

Əbu-Dabi. 22 fevral.REPORT.AZ/ Cənubi Afrika şirkəti "Paramount Group" Azərbaycandakı fəaliyyətini genişləndirmək niyyətindədir.

Bunu "Report"un IDEX-2017 müdafiə sərgisinə ezam olunmuş müxbirinə açıqlamasında "Paramount Group" şirkətinin rəhbəri Ayvor İçikovits deyib.

Onun sözlərinə görə, şirkət ölkədə müdafiə sənayəsinin qurulmasında Azərbaycana yardım etdiyi üçün qürur duyur.

A.İçikovits əlavə edib ki, şirkət aviasiya və gəmiqayırma sahəsində Azərbaycanla əməkdaşlıqda maraqlıdır: "Bizim şirkətin gəmiləri Xəzərdəki şəraitə ideal uyğun gəlir".

Qeyd edək ki, "Paramount Group" 2010-cu ildən başlayaraq Azərbaycanda "Mbombe" və "Marauder" minaya davamlı zirehli maşınların istehsalı və "Mi-24" və "Mi-17" helikopterlərinin modernizasiyası layihələrini həyata keçirir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi