Pakistan nümayəndə heyəti Azərbaycanın Hərbi Dəniz Qüvvələrində olub

Bakı. 14 mart. REPORT.AZ Pakistanın Hərbi Dəniz Qüvvələri Akademiyasının rəhbər heyəti Azərbaycanın Hərbi Dəniz Qüvvələrini ziyarət edib.

Müdafiə Nazirliyindən "Report"a verilən məlumata görə, əvvəlcə HDQ komandanı vəzifəsini icra edən 1-ci dərəcəli kapitan Zaur Hümmətov ilə Pakistan nümayəndə heyətinin rəhbəri briqada generalı Syed Ahmad Ovais Hayder Zaidi arasında keçirilən görüşdə iki ölkənin hərbi dəniz qüvvələri arasında əməkdaşlıq məsələləri müzakirə edilib və qarşılıqlı təcrübə mübadiləsinin əhəmiyyəti vurğulanıb.

Pakistan nümayəndə heyəti HDQ-nin ərazisi, təminat bazası ilə tanış olduqdan sonra brifinq təqdim olunub.