Yuxarı
    Bağlamaq

    ​Ötən ay Azərbaycanda 701 ədəd PHS aşkar edilərək zərərsizləşdirilib

    Mart ayı ərzində 1 mina/PHS hadisəsi qeydə alınıb

    Bakı. 6 aprel. REPORT.AZ/ Ərazilərin Minalardan Təmizlənməsi üzrə Milli Agentlik (ANAMA) tərəfindən mart ayı ərzində 1,762,402 kv.m ərazi yoxlanılıb, mina və partlamamış hərbi sursatdan (PHS) təmizlənib.

    Agentlikdən “Report”a bildirilib ki, bu müddət ərzində 701 ədəd PHS, 2 ədəd tank və 1 ədəd piyada əleyhinə mina aşkar edilərək zərərsizləşdirilib. Bugünədək cəmi 320,443,366 kv.m ərazi təmizlənib. Tapılıb zərərsizləşdirilən mina və PHS-lərin sayı 716,307-dir.

    Hazırda ANAMA təmizləmə əməliyyatlarını Abşeron, Ağdam, Ağstafa, Füzuli, Gəncə, Gədəbəy, Goranboy, Qazax, Tərtər, Tovuz, Samux və eləcə də Qaradağ rayonu, Güzdək qəsəbəsində davam etdirir.

    Mart ayı ərzində 1 mina/PHS hadisəsi qeydə alınıb.

    Qeyd edək ki, əməliyyatlarda 507 nəfər əməliyyat heyəti və 126 nəfər inzibati heyət, 6 mexaniki minatəmizləmə maşını və 39 minaaxtaran it iştirak edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi